Author: Korinn

Háskólakórinn og Sinfóníuhljómsveit unga fólksins koma saman á ný og ætla að þessu sinni að flytja messu í As-dúr eftir Franz Schubert ásamt einvalaliði einsöngvara. Stjórnandi er Gunnsteinn Ólafsson.

Að auki verður frumflutt verkið Kvöldlokka eftir Þóru Marteinsdóttir sem samið var í tilefni 40 ára afmælis Háskólakórsins, konsert fyrir orgel, strengi og pákur í g-moll efitr Francis Poulenc og Land, þjóð og tunga eftir Gunnstein Ólafsson sem frumflutt var á 100 ára afmæli Háskóla Íslands í fyrra.

Tónleikar verða tvennir, þann 25. og 27. nóvember 2012 kl.20:00 og verða haldnir í Langholtskirkju. Allir velkomnir!

Einleikari: Guðný Einarsdóttir orgel
Einsöngvarar:
Helga Margrét Marzellíusardóttir sópran
Hildigunnur Einarsdóttir alt
Hlöðver Sigurðsson tenór
Jóhann Kristinsson bassi

Miðaverð er 2500 kr.
1500 kr. fyrir nema, eldri borgara og öryrkja.

Nú eru kórmeðlimir komnir aftur í stórborgina eftir að hafa brugðið undir sig betri fætinum og haldið í æfingabúðir í Hlíðardalsskóla.

Þar var Schubert sunginn fram og tilbaka, ásamt því að meðlimir skemmtu sér saman og nýliðar voru formlega boðnir velkomnir í kórinn.

Skemmtinefnd stóð fyrir óvissuferð í byrjun október en þá rölti kórinn í litlum hópum upp og niður Öskjuhlíðina, glímdi við allskonar þrautir og hristi hópinn saman. 🙂

Þriðjudaginn 18.september var haldinn haustfundur kórsins en þar var kosið í nefndir og önnur embætti innan kórsins. Kórinn skartar mörgum og góðum kórfélögum, nýjum sem gömlum og voru allar nefndir og embætti fyllt auk þess sem kórinn trallaði og skemmti sér saman.

Í gær komu gamlir og nýjir söngfuglar saman á fyrstu æfingu haustannarinnar. Æfingin gekk vonum framan og var almenn gleði og spenningur yfir komandi söngári.

Inntökuprufur gengu vel og voru vel sóttar. 30 nýjir meðlimir voru teknir inn og eru þeir boðnir velkomnir í kórinn.

Nú þegar ný önn er að hefjast leitar Háskólakórinn að hressu og metnaðarfullu söngfólki fyrir komandi vetur.

Háskólakórinn syngur og æfir af krafti en í ár er kórinn 40 ára og má því búast við viðburðaríku afmælisári. Kórinn stendur einnig fyrir öflugu félagsstarfi þar sem m.a. er farið í æfingabúðir, haldin er árshátíð og fjöldamörg partý ásamt öðrum skemmtunum.

Æfingar fara fram á þriðjudögum og fimmtudögum klukkan 17:15 – 19:30 í Neskirkju.

Löngu og viðburðarríku kórári lauk þann 19. júlí sl. þegar aðalfundur Háskólakórsins var haldinn. Á árinu hefur kórinn komið fram á fjölmörgum viðburðum, ásamt því að gefa út geisladiskinn Álfavísur og ferðast út fyrir landsteinana. Starfsemin hefur sjaldan verið jafn viðamikil eins og þetta seinasta starfsár.

Á fundinum var kjörin ný stjórn. Fráfarandi stjórn er þakkað fyrir frábærlega unnið starf sér í lagi þau sem stóðu vaktina í tvö ár.

Nú leggst kórinn í sumar-dvala sem verður þó með styttra móti í ár þar sem seinasta kórár var í lengra lagi.

Kórstarfið hefst aftur í lok ágúst eða byrjun september.

Haldinn var auka aðalfundur þann 26. janúar sl. í Neskirkju. Nú hafa tekið til starfa nýr formaður (Edda Ósk) og varaformaður (Birna Hlín). Þar að auki tók Margrét við af Guðrúnu Ingu í ferðanefnd, Atli Steinn og Sigríður gengu til liðs við fjáröflunarnefnd og Bryndís og Heiða Björk eru komnar í kaffinefnd. Uppfærðan nefnda og stjórnar lista er nú að finna hér á heimasíðunni undir Háskólakórinn.
Að lokum viljum við þakka Hugrúnu Fjólu fyrrverandi formanni fyrir vel unnin störf!

—English version below—

Háskólakórinn mun halda hausttónleika sína fimmtudaginn 24. nóvember kl. 20:00 í Neskirkju.

Á efnisskránni eru meðal annars Lobet den Herrn alle Heiden eftir Bach, frelsissálmar, ungversk lög ásamt íslenskum sálmum og ljóðum.

Almennt miðaverð er 2.500 krónur. Miðaverð fyrir nema, öryrkja og eldri borgara er 1.500 krónur.

Miðasala fer fram í gegnum kórmeðlimi og á kor@hi.is

Á tónleikadaginn mun Háskólakórinn gefa út geisladisk sem unnið hefur verið að síðastliðin 4 ár. Geisladiskur þessi er gefinn út í tilefni af 40 ára starfsafmæli kórsins sem og 100 ára afmæli Háskóla Íslands. Geisladiskurinn verður til sölu á tónleikunum.

Ekki láta þennan magnaða viðburð framhjá ykkur fara!

http://www.facebook.com/event.php?eid=128298823946168&ref=ts

—English version—

The University choir is hosting its fall concert Thursday the 24th of November at 20:00 in Neskirkja.

The Choir will be singing Lobet den Herrn alle Heiden by Bach, freedom songs, hungarian songs and also icelandic psalms and poets.

Ticket price is 2.500 krónur. Ticket price for students, senior citizens is 1.500 krónur.

Tickets are available by any choir member and at kor@hi.is.

You won’t want to miss this amazing event!

http://www.facebook.com/event.php?eid=128298823946168&ref=ts

—English below—

Nú þegar ný önn er að hefjast leitar Háskólakórinn að hressu og metnaðarfullu fólki fyrir komandi vetur.

Háskólakórinn syngur og æfir af krafti en kórinn stendur einnig fyrir öflugu félagsstarfi þar sem m.a. er farið í æfingabúðir, árshátíð er haldin og fjöldi annarra skemmtana eiga sér stað.

Kórinn heldur í vetur upp á 40 ára starfsafmæli sitt og má því búast við viðburðaríku ári. Meðal annars mun kórinn syngja í Hörpunni og fara erlendis.

Æfingar fara fram á þriðjudögum og fimmtudögum klukkan 17:15 í Neskirkju.

RADDPRUFUR VERÐA HALDNAR Í NESKIRKJU, 2. OG 6. SEPTEMBER KLUKKAN 17:00.

Söngur bætir, hressir og kætir og því hvetjum við alla söngfugla til að mæta og láta ljós sitt skína.

Endilega látið berast til sem flestra 🙂

————————–

The University Choir is looking for new members for next school year.

As well as singing and practicing together we also throw the best parties and are extremely fun people to be around.

Choir rehersals are on Tuesdays and Thursdays at 17:15 in Neskirkja.

AUDITIONS FOR THE CHOIR WILL BE IN NESKIRKJA, 2ND AND 6TH OF SEPTEMBER AT 17:00.

We encourage all song loving to come and let their light shine.