Háskólakórinn

—English below—

Nú síðastliðinn laugardag hafði Háskólakórinn í nógu að snúast! Mætt var á æfingu kl. 13 og æft var af fullum krafti en síðan um kl. 14 steig kórinn á svið í Háskólabíói og söng fyrir nýútskrifaða kandídata frá Háskóla Íslands. Kórinn fékk mikið lof fyrir sönginn en Maístjarnan vakti sérstaklega mikla lukku að mati nokkurra áhorfenda.

Síðar um kvöldið hélt Háskólakórinn sína árlegu árshátíð. Var hún haldin í sal Stangaveiðifélags Reykjavíkur en maturinn dásamlegi kom frá Vox. Voru meðlimir mjög prúðbúnir og skemmtu sér hið besta. Skemmtiatriði voru, eins og alltaf, mjög skemmtileg enda hefur kórinn upp á marga skemmtikrafta að bjóða. Dansinn og söngurinn dunaði síðan fram eftir kvöldi. Einstaklega vel heppnuð árshátíð hjá kórnum og á skemmtinefnd kórsins lófaklapp skilið.

Nú fer að líða að Carmina Burana tónleikum hjá kórnum en þeir verða næstu helgi. Framundan eru því stífar æfingar ásamt Ungfóníu og einsöngvurum til þess að gera þetta fullkomið. Mikil spenna er í loftinu enda er þetta magnað verk.

Nánari upplýsingar koma síðar í þessari viku en einnig er hægt að nálgast upplýsingar hér: http://www.facebook.com/event.php?eid=190222194346047&ref=ts

Kórinn kveður að sinni!

—English version—

Last saturday the Choir had a lot to do. It sang in graduation from the University of Iceland and did it with much pride. The choir had also a little practice before and did nothing but good things there.

The Choir also had its annual ball. The dinner came from Vox and was magnificent.

The University Choir will host 3 concerts next weekend so there is going to be alot to do. Practices with the Young Symphony and soloists are ahead and that ist just to make sure that the concerts will be perfect for the audience.

More information on the concerts will come later this week but for now you can check this site: http://www.facebook.com/event.php?eid=190222194346047&ref=ts

That’s it for now!

—English below—

Laugardaginn 19. febrúar verður Háskóladagurinn haldinn hátíðlegur. Að því tilefni mun Háskólakórinn syngja nokkur lög í Háskóla Íslands, nánar tiltekið á Háskólatorgi.

Háskóladagurinn er árlegur kynningardagur háskólanna þar sem meðal annars námsframboð skólanna er kynnt. Fjölbreytt dagskrá er í boði og mun Háskólakórinn koma fram kl. 11:45 á Háskólatorgi!

Nánari upplýsingar um opið hús Háskóla Íslands er að finna hér: http://www.hi.is/skolinn/dagskra_vidburda_og_skemmtiatrida

Kærar kveðjur,

Háskólakórinn

Next saturday, the 19th of February, the University Choir will take its part in open school day in the University of Iceland.

The University Choir will sing few songs on Háskólatorg at 11:45.

Come and join us there!

The University Choir

Helgina 4.-6. febrúar hélt Háskólakórinn í æfingabúðir. Fóru þær fram í Hlíðardalsskóla, sem er rétt hjá Þorlákshöfn. Þrátt fyrir slæm veðurskilyrði létu meðlimir kórsins það ekki á sig fá og mættu langflestir galvaskir á æfingu kl. 8 á föstudagskvöldið. Laugardagurinn var síðan tekinn með trompi og var æft frá 10-19, með pásum að sjálfsögðu.

Háskólakórinn æfði Carmina Burana eftir Carl Orff að fullum krafti enda fer að styttast í tónleika kórsins með Ungfóníunni. Æfingarnar gengu vægast sagt frábærlega og er kórinn fullur eftirvæntingar fyrir tónleikunum.

Á laugardagskvöldinu voru nýir meðlimir vígðir inn í kórinn ásamt því að raddir (sópran, alt, tenór, bassi) sýndu skemmtiatriði. Að lokum var haldin fyrsta hæfileikakeppni Háskólakórsins og gekk hún vonum framar.

Myndir frá helginni fara síðan að detta inn hægt og rólega, fylgist spennt með!

Við þökkum meðlimum Háskólakórsins kærlega fyrir mjög vel heppnaða helgi.

Kær kveðja,

Stjórnin

P.s. Segja má að Yaris hafi verið bíll ferðarinnar en þrír slíkir bílar komust fram og til baka án stórtækra vandræða.

Áheyrnarprufur verða haldnar 11. janúar 2011 kl 16.30 í Neskirkju.

Auditions will be held 11 January 2011 at 16.30 in Neskirkja. Hope to see you there! Check the page „English“ for further informations about the choir and it’s program.

Í byrjun mars er stefnt á að flytja Carmina Burana eftir Carl Orff ásamt Sinfóníuhljómsveit unga fólksins. Í vor verður farið í innanlandsferð og mun einnig verða gefinn út fyrsti geisladiskur kórsins undir stjórn Gunnsteins Ólafssonar. Í gegnum tíðina hefur kórinn þó gefið út tvo geisladiska og tvær vinyl plötur. Það verður því nóg að gera hjá kórnum ásamt því að viðhalda öflugu skemmtanalífi sínu!

Miðvikudaginn 1. desember mun Háskólakórinn taka þátt í hátíðarhöldum stúdenta við Háskóla Íslands. Hefð hefur verið fyrir hátíðarhöldum stúdenta þennan dag frá árinu 1922.

Formleg hátíðardagskrá hefst klukkan 10.00 með samkomu í Hátíðarsalnum í Aðalbyggingu Háskóla Íslands.

Klukkan 12.00 hefst dagskrá á Háskólatorgi. Forseti Íslands, Hr. Ólafur Ragnar Grímsson mun flytja ávarp og að því loknu verða flutt tónlistaratriði og mun Háskólakórinn syngja nokkur lög.

Klukkan 13.00 heldur Háskólakórinn síðan tónleika í anddyri Aðalbyggingar Háskóla Íslands. Tónleikarnir eru öllum opnir.

Nánari dagskrá stúdentahátíðarinnar er að finna hér.

Hausttónleikar Háskólakórsins verða haldnir í Neskirkju, þriðjudaginn 23. nóvember 2010 kl 20:00.

Stjórnandi: Gunnsteinn Ólafsson

Á tónleikunum verða m.a. flutt verk eftir Jón Leifs og Gunnstein Ólafsson.

Miðaverð: 2000 kr

Nemar, eldri borgarar, öryrkjar: 1500 kr

Hæ allir, -English below-

Núna erum við komin með nýtt spjall í gang! Til að skrá ykkur inn smellið þið á „members area“ hér fyrir ofan og skráið ykkur inn.
Mælt er með því að þið breytið sjálfgefna lykilorðinu strax og þið skráið ykkur inn. Endilega stofnið nýja spjallþræði!

Á næstu dögum munu einnig myndaalbúm og ýmsar upplýsingar um kórmeðlimi eingöngu verða aðgengilegar skráðum meðlimum.
Ef þið lendið í veseni við innskráningu látið okkur vita hér að neðan og við svörum eins fljótt og hægt er!

Hi, now we got our new forum up and running, to sign up go to „members area“ in the menu tab above. I recommand to change the given password at your first sign-in.

Then you can visit and chat on our forum under the menu tap Spjallið.

Fjáröflunarnefnd auglýsir eftir sniðugum fjáröflunarhugmyndum! Hvað sem þér dettur í hug, við þurfum böns af monnís fyrir vorferðina. / The fundraising commitee wants your fundraising ideas!

–English below–

Hæ krakkar mínir!

Takk fyrir síðast!

Mig langaði bara rétt að minna ykkur á að borga þessi blessuðu kórgjöld, nótnagjöld og æfingabúðirnar. Þið þurfið að gera það fyrir 7.október en með því sparið þið 350 krónur þar sem að þann dag verða sendir út gíróseðlar til þeirra sem eiga eftir að borga.

Reikningsnúmerið er að finna neðst á heimasíðunni.

Einnig vildi ég minna ykkur á að hlusta á upptökurnar sem að yndin okkar einu, þau  Gunnsteinn og Hugrún, höfðu mikið fyrir að taka upp. Mjög mikilvægt er að hlusta á þetta og æfa sig því það sparar mikinn tíma á æfingum ef við erum vel undirbúin!

Þið getið nálgast upptökurnar undir flipanum Upptökur!

Sjáumst hress á fimmtudaginn snúllur!

So my dear foreigners!

I am just reminding each and everyone of you to pay for the participation in the choir and for the choir rehearsal camp! If you pay before 7th of October you will save 350 krónur.

I also wanted to remind you to listen to the recordings. You can find it under Upptökur here above!

See you on Thursday!

Kemst þú ekki á æfingu? láttu þinn raddformann vita!!